Puisi Bugis

Rindu Terdalam untuk Ayah Ibu
oleh Andi Olha Mappasosory

 

Upaletturenggi sininna uddani
marilalengku ri to matoakku malebbi’e
To matoa iya de’na pettu pa’doangenna ri ana’na

Makkuni wissenna de’ gaga pada-padanna pappojimu ri aleku
Makkutoni aleku
De’ ullei pappada-pada papojimmu rialeku

Iyami wisseng
Idi’na tau ulawenna linoe ri mataku
To matoakku teppettu pariloangenna ri Puangnge
Marillau adecengenna ana-ana’na

Makkutongenna
De’gaga pada-padammu indo’, ambo’
Parillau doangengmi ulle willau ri Puang Allah Ta’ala

Tannapodo tuli salama’
Tannapodo ripassalama’ tuomu ri lino
Tuomu ri lino laingnge sangngadi

Uwillowangeng adisingeng 

Tannapodo muita manemmoi ana’mu 

madeceng Iya padae elo’mu

O indo,,°O ambo’,,
Sellengku marilaleng pole atikku
Ta’dampengengka
iya’ ana’mu de’na malebbi’e..

dibacakan @Twit_Bugis